今日係4月4日，睇是日星座運程之前，不如挑戰吓IQ題，患咗咩病醫生會同你講「睇開啲啦」？想知答案就要睇《星語》喇！入正題先，今日嘅幸運星係雙魚座，雙魚座嘅朋友愛情運非常好，同伴侶相處融洽，甜在心頭。雙魚座嘅謝安琪同老公張繼聰一直都咁甜蜜，而佢哋嘅6歲囡囡張靖（Kakaball），前日人生首次參加香港國際七人欖球賽，更成為開球禮球童，表現淡定又叻女，更流露出星味添。張靖愈大愈似媽咪、愈大愈靚女，阿聰肯定愈來愈鍾意返屋企，真係講起就覺得Sweet！
獅子座嘅朋友不妨相信自己嘅投資眼光，太保守嘅話反而容易見財化水。獅子座嘅彭慧中聽聞家底好豐厚，睇嚟投資都有一手。
山羊座嘅朋友喺職場上獲得好口碑，但要記住滿招損謙受益。山羊座嘅ERROR成員郭嘉駿（193）要記得收吓把口，做人謙虛啲點都有着數呀！
本文作轉載及備份之用 來源 source: http://hk.on.cc
|
鍾意就快D Share啦！
|
|
|