今日係4月28日，睇是日星座運程之前，不如挑戰吓IQ題，有個神槍手面對一隻青面鬼同一隻紅面鬼，打死紅面鬼要兩粒子彈，打死青面鬼要一粒子彈，但呢個神槍手只有兩粒子彈，最終點解都可以打死晒兩隻鬼呢？想知答案就要睇《星語》喇！
入正題先，今日嘅幸運星係射手座，射手座嘅朋友愛情運好到極，着橙色衫可以為你增添魅力。射手座嘅衛詩雅入行以嚟都好少有緋聞，依家似乎仲係單身，咁靚女又考到咁多牌，點會冇拖拍？今日一於着件橙色衫催吓桃花運！
天秤座嘅朋友記住，愛係要講出口！唔應該再將情話埋喺心底。天秤座嘅周志文同劉佩玥嘅緋聞傳咗咁多年，劉佩玥早前講到明緋聞男友有周志文一個就夠晒數，仲話結婚當日先會公開真命天子，都畀晒位周志文入，今日唔係唔做嘢呀嘛？
天蠍座嘅朋友只要唔貪心，就可望喺財政上立於不敗之地。天蠍座嘅曾比特聽唔聽到？今日要小心啲理財，就算投資都唔好大貪！
本文作轉載及備份之用 來源 source: http://hk.on.cc
|
鍾意就快D Share啦！
|
|
|