繽FUN星網新一輯煮食節目《星級煮意》有「無綫咪神」黃婧靈（波波）上陣，為大家介紹人人都做得到的簡單易整美食，波波由她至愛的早餐開始炮製，她親自教大家整「牛奶水果煲」，她說：「呢個早餐係我日常好鍾意食，其實唔使煮，但整出來既健康，又有好高營養價值。」
波波準備了一隻香蕉、一個奇異果、仲有細碗藍莓、一支鮮奶，還有芝麻、奇亞籽和㜌物脆片，她先將鮮奶倒入一個大碗，然後將香蕉、奇異果切片，加埋藍莓，再將芝麻、奇亞籽倒入去，分量隨自己喜歡，最後再加少許脆片，然後撈埋一齊就完成了，她邊吃邊話：「真係好好味。」
波波擁有驕人身材，不知與她愛飲奶有冇關係，她說：「我鍾意飲鮮牛奶多過高鈣低脂奶，因為睇過成分，其實分別唔大，只係肥少少，但營養豐富好多。」她又鍾意奇異果，既有豐富維他命C，仲有美白效用，而芝麻就對頭髮好好，至於她挑選的殼物脆片，雖然有士多啤梨和朱古力味，但卡路里不算太多，但她只會食少少，她說：「呢個早餐喺屋企好方便整，但營養價值好高。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|