今日5月5號，農曆三月十六，亦係陸雪雯最後一次同大家喺《玄機》見面，不過你哋又唔使失望嘅，事關聽日開始會有新靚女主持接棒，大家要密切留意回歸正題，今日最旺生肖係虎，工作順利兼運勢超旺，做咩都手到拿來，咁台灣第一名模虎女林志玲，唔使問一定順風順水。志玲由2019年閃婚，去到舊年生小朋友，期間一直喺日本，少有喺幕前演出，唔少人都話掛住佢，點知今年年頭突然一家三口返台灣定居，志玲姐姐仲復出不停拍廣告，講到明你運勢旺做咩都掂，睇嚟返台灣復出係一個好決定！
至於屬兔嘅朋友仔，今日吉星高照、貴人運強，願望好容易實現，兔仔洪卓立自從同ViuTV女神劉沛蘅（Hillary）公開戀情之後，頻頻喺社交網放閃，早排仲孖住去日本旅行，真係sweet到爆，佢哋仲會情侶檔拍廣告，睇嚟拍拖之後工作機會多咗，人又開心咗咁喎，可能女友就係你嘅吉星呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|