無綫花旦姚子羚於新劇《一舞傾城》演「超班警花臥底」，繼日前出場一個打四個大晒真功夫後，今晚又再度上演打戲，孖住楊明營救陳星妤的母親及細佬妹，期間與陳星妤繼父(王俊棠飾）大打出手，子羚更一度被對方拿住士巴拿挾持，沒料被子羚一個批踭、掃腿加抽拳反擊打到流鼻血，完美KO。
而媽媽生陳法蓉到監獄探老公唐文龍，獲悉將申請假釋即喜極而泣，原來當年文龍為社團甘願捱義氣頂罪入獄，結果法蓉情緒崩潰流產，雖然事過境遷，但法蓉受事件影響，多年來未能睡得安寧，及後法蓉與楊明更獲悉當年唐文龍乃抽生死籤，結果抽中籌才無奈接受頂罪安排。
至於被喻為「萬國城」最後一個處女的陳星妤，因清純美貌深受酒客歡迎，有出手闊綽的酒客欲以送豪宅及出高價包養她，惟星妤零興趣，法蓉承諾拍心口幫忙耍走對方，但另一組媽媽生莊鍶敏及舞小姐莊思敏見錢開眼，私下找星妤母親游說，星妤母親為擺脫貧困，竟勸女兒接受，星妤無法接受，母女因而吵大鑊，星妤母親一度情緒激動掌摑星妤，及後兩女二人相擁而哭。
劇中袁潔儀迫女兒去陪客，談到這個衰媽媽角色，她坦言起初亦接受不了：「收到劇本時我接受唔到佢叫個親生女去陪客，之後同編審、監製傾偈開會，編審同我講咗句『向現實低頭』。聽到呢句說話之後，我覺得當一個人真係衰到貼地嘅時候，都要向現實低頭，演嘅時候就係記住呢句說話去突破心理關口，但個心都係非常非常之難過。」講到喊戲，潔儀則表示：「『我窮咗好耐喇』呢句對白令我好有感受，因為我都試過窮咗好耐，一講到呢句個情緒就飆咗出嚟。」
至於陳星妤受訪時透露掌摑戲一Take過搞掂，她說：「拍攝前都有試咗兩、三次戲，到正式拍攝情緒到咗就一Take過，太多Take反而會影響到效果，同埋我叫潔儀姐真係摑落嚟，最緊要出到個效果。」講到劇中周旋於兩位靚仔關楚耀及高鈞賢之間，星妤笑言：「高鈞賢就特別暖男啲，好多時都會問我有冇咩幫到手，關楚耀就拍得多愛情片，分享咗好多經驗同好帶到我入戲，可以同兩位被公認嘅靚仔合作，我都好開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|