今日係5月17日，睇是日星座運程之前，不如挑戰吓IQ題，邊種有病嘅動物會寄居喺人嘅五官呢？想知答案就要睇《星語》喇！入正題先，今日嘅幸運星係處女座，恭喜晒，你哋嘅幸運指數排第一位，係時候做多啲有意義嘅事。一向有要求嘅鄭裕玲（Do姐）唔使諗都知係處女座，佢舊年離巢無綫之後，即刻獲得HOY TV邀請拍攝全新嘅旅遊節目，仲有5位小鮮肉「陪玩」，真係開心喇！Do姐不嬲都好提攜後輩，呢幾位小鮮肉陪佢去完旅行之後，一定學到好多嘢。
山羊座嘅朋友工作運唔錯，趁機加把勁，可以獲得理想回報。金像影后劉雅瑟原來都係山羊座，除咗拍戲之外，佢近嚟亦參加咗內地節目《乘風2023》，即係《乘風破浪的姐姐》第4季，喺官方主題曲MV入面，已經見到劉雅瑟型爆登場，網友都好期待佢之後嘅跳唱表現。
本文作轉載及備份之用 來源 source: http://hk.on.cc
|
鍾意就快D Share啦！
|
|
|