內地女神娜扎2019年時因出席《MAMA音樂頒獎禮》時，以「奇特英文口音」成為網友笑柄，不過佢都未有受影響，但就令人質疑佢嘅英語能力。最近內地高考於今（7日）、明（8日）舉行，咁啱網上就傳出娜扎當年高考考獲596佳績，一洗「學渣」形象。當年娜扎同時獲北京電影學院及中央戲劇學院錄取，唔係個個人做到，如今再傳佢係高考猛人，點知原來係假消息！
事件引發「#娜扎的高考成績596分#」話題，吸引近9,700萬閱讀量，上晒熱搜！早年因口音被全網笑係「花瓶」，依家突然嚟個高分傳聞，娜扎方面為怕大家誤會愈嚟愈深，嚇到娜扎工作室急住澄清：「下午剛看到此事就立馬回應過後援會，此消息為假。大半夜上熱搜多嚇人 別搞，沒有高考596這回事，希望大家看到的都幫我們闢個謠，假消息就別傳啦。 ps：希望大家都能考個好成績！」
而內地高考於改革後，大部分省市高考滿分為750分，當中考分要550分以上，平均正確率要73%以上，如果考到如傳聞中所指嘅596分，基本上都好大機會入到大部分嘅一線大學。
本文作轉載及備份之用 來源 source: http://hk.on.cc
|
鍾意就快D Share啦！
|
|
|