美斯拍住碧咸搵食，肯定大把世界。
足球博彩神器，每日重心提供盡在《彩報》：http://win.on.cc/football/
阿根廷球王美斯去向揭盅！美斯周四(8日)宣布已經同國際邁亞密達成協議，將會選擇加盟呢間美職球會。轉會專家Fabrizio Romano形容，呢單交易對國際邁亞密、美斯及美職都係一份巨大嘅合約。
美斯同時接受《世界體育報》、《每日體育報》專訪，解釋佢未有重返巴塞隆拿嘅決定。美斯表示已經尋求任何可能重回巴塞隆拿嘅方案，但可惜未能傾掂數。美斯表示：「經過2年前嘅事(被逼離開巴塞)，我唔想再行番同一條路，將未來交去其他人手上，我想同家人決定自己嘅未來。」雖然亦有傳沙特阿拉伯球會希拉爾出巨額年薪吸引美斯加盟，但未獲呢位阿根廷球王接納。
國際邁亞密班主之一為「萬人迷」碧咸，佢加埋美斯嘅商業效果肯定唔簡單，有報道指，美職商業合作夥伴蘋果公司及adidas亦為合約提供一部分贊助。
本文作轉載及備份之用 來源 source: http://hk.on.cc
|
鍾意就快D Share啦！
|
|
|