主演電影的演員兼歌手周國賢、鄧麗英與周漢寧，於音樂會前接受訪問，周國賢提到電影劇情時表示自己也一樣「大頭蝦」經常遺失電話：「試過最高峰兩個月（唔見）三部，好唔方便，即刻要去買過部。」但又指：「但係過咗冇幾耐就會喺床下底搵返出嚟，所以我屋企有好多部電話！」而周漢寧亦笑指自己試過像劇情一樣，於街頭向陌生人借電話：「咁我真係膽粗粗走埋去問人借，又畀我借到喎！」麗英隨即開玩笑指：「多數靚仔係難借啲嘅！」
開騷在即，周漢寧表示感到緊張：「我一開始唔知係呢個hall，以為係樓下，一見到咁大個場即刻嚇一嚇！」周國賢笑指：「只會越開越大㗎咋！」新出道的麗英與周漢寧因為曾合作拍攝劇集《教束》而相熟，今次難得與樂壇前輩周國賢開騷，連忙向他請教，周國賢表示沒有甚麼大貼士：「我會喺綵排嘅時候去到最盡，等正式嘅時候收返埋嚟，所以你見我而家把聲已經沙曬！」
正舉行世界巡迴演唱會的周國賢剛完成台灣站，表示當地樂迷非常熱情，而麗英與周漢寧更即場「搲撈」，表示希望下一站可以帶同兩人，周國賢笑指：「得就梗係最好但係兩位當紅，邊有咁易！」
《全個世界都有電話》音樂會開始後，先由羅孝勇與他的樂隊Harbor Homme演唱《I Don't Need You》一曲，並感謝導演黃浩然選用作為電影插曲。主演電影的麗英與周漢寧及後亦在Harbor Homme伴奏下演唱電影另一首插曲《網騙》，周漢寧於台上一完演唱夢，並高呼：「山頂嘅朋友你哋好嘛？」麗英隨後亦個人演唱年初推出的派台歌《全死角美少女戰士》。
本文作轉載及備份之用 來源 source: http://www.hk01.com
|
鍾意就快D Share啦！
|
|
|