台灣天后蔡依林（Jolin）出道多年仍然樣靚身材正，已42歲嘅佢長期維持住瓜子臉，同Fit爆好身材，實在令人羨慕，仲好奇佢點樣可以長期保持苗條，佢亦都不時大方同大家分享飲食對減肥嘅重要性。
佢透露早餐係為身體提供新陳代謝嘅重要關鍵，如果唔食早餐反而容易囤積脂肪同肥胖，相反每日攝取適量嘅澱粉、蛋白質同蔬菜，則係維持身體代謝機能不可或缺嘅營養所需，並且堅守「加熱不超過20分鐘」嘅原則，避免食物營養被破壞外，仲加重身體負擔。
其次，佢亦曾喺節目分享飲水係最輕鬆嘅減肥方法，每日飲夠2.8公升唔止有助加速身體新陳代謝，仲可以帶嚟飽肚感幫助食少啲！至於女性最大惡敵「水腫」，佢亦建議每日飲用1公升檸檬水，有效消水腫外，做瑜伽更係對鍛煉身體線條起到極大幫助！
本文作轉載及備份之用 來源 source: http://hk.on.cc
|
鍾意就快D Share啦！
|
|
|