7月8日係農曆五月廿一，最旺生肖就係馬，屬馬嘅朋友桃花運急升，有暗戀對象可以趁機表白！屬馬嘅林明禎樣甜得嚟又有勁爆E級上圍，事業當然好成功，不過戀情方面就有啲阻滯喎，最轟動已經係5年前同台灣藝人張軒睿1個月嘅「短命戀」，當時明禎仲冇啦啦被鬧小三，受訪時都眼濕濕話好無奈，仲話喺屋企喊咗幾日，真係陰功豬！
明禎之後都極少有緋聞，就連上個月33歲生日都話唔想拍拖，唔通真係嚇怕咗？不過你今日桃花急升，試下敞開心扉，話唔定有好結果呢！
今日幸運星射手座，你哋各方面運勢都唔錯，有機會迎嚟愉快一日。台灣影帝吳慷仁就係射手座，早排由佢主演嘅《模仿犯》真係好hit，唔知佢嚟緊有咩新作品畀大家睇呢？不過我諗一班粉絲比較期待佢幾時同女友邵雨薇結婚囉！
本文作轉載及備份之用 來源 source: http://hk.on.cc
|
鍾意就快D Share啦！
|
|
|