今日係7月2日，農曆五月十五，宜大事勿用。提埋你幸運數字係41、44、46，睇嚟要留意4字頭嘅嘢！至於最旺生肖係蛇，屬蛇嘅朋友人氣強，有望喺社交圈成為焦點人物。蛇女劉佩玥（Moon）又靚身材又好，當然去到邊都受歡迎。Moon近年受無綫力捧，幾乎套套劇都見到佢，依家熱播緊嘅《隱門》又有佢份講過唔介意做「誘惑擔當」嘅佢，今次再有色誘場面，着住黑絲嘅大長腿被66歲杜燕歌摸勻，仲差啲被強姦！
Moon有先天性優勢，又識把握機會搏到盡，真係難怪佢咁受歡迎！之前憑《美麗戰場》開齋攞到馬來西亞視后，今日人氣又強，睇好你有機會攞「最佳女主角」。
今日幸運星係白羊座，你哋得到幸運之神眷顧，可望迎嚟愉快嘅一日。大隻又靚仔嘅彭于晏BB就係白羊座，佢早排有新戲上映，仲為咗套戲暴瘦16公斤，瘦到脊椎骨都見到！最誇張係佢拍完呢套戲冇耐，又要喺另一套戲演救援人員，要有番一定肌肉量，咁搞法真係聽見都辛苦。不過今日會係你開心嘅一日，快啲去放鬆吓啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|