7月3日即農曆五月十六，最旺生肖係虎，屬虎嘅人事業旺，商機不斷要好好把握！虎女吳雨霏（Kary）自從結婚生小朋友之後，好少露面專心家庭生活。不過早排竟然激罕晒床照，大玩老公視角，全身上下得一張被遮住重點部位，明顯冇着衫大騷香肩。
Kary索到咁，一班fans即刻好驚佢老公再開展造人大計，因為復出又無了期啦。不過早排佢上節目都話好掛住演唱會想表演，講到明Kary你今日事業旺，橫掂你都有咁嘅心不如真係好好把握，出嚟見下班粉絲
雙子座嘅朋友今日一定好醒神，因為你哋運勢勝人一籌，有利事業發展，所以要學識感恩呀。雙子座嘅MIRROR成員Ian（陳卓賢）出道冇耐就大受歡迎，佢唱得又演得事業當然係好。不過之後就被爆係「性格巨星」，成日大發脾氣，當時有傳公司高層好不滿要半雪藏佢！見到Ian依家都成日出活動、開騷，相信已經雨過天青啦，所以真係要聽話，事業發展好得都要繼續感恩呀。
本文作轉載及備份之用 來源 source: http://hk.on.cc
|
鍾意就快D Share啦！
|
|
|