為了讓佳麗親眼見證及回顧參賽以後的變化，無綫製作了一系列名為《給一個月後的我》的官方宣傳片，將16位佳麗於6月尾及7月尾接受的個人專訪組合剪輯成8條宣傳片，片段中大家除可看到佳麗外貌上的蛻變，還能了解眾人心路歷程的變化。
16位佳麗之中，以姜依宁及鄧凱文較為感性，在越南外景已被揭爆喊的Jenny，原來早於6月尾受訪時已哭成淚人，當時她一邊落淚、一邊哽咽：「呢個係我人生中第一次面對咁多鏡頭，真係…」；回看一個月前拍下的片段，Jenny再度淚盈於睫，現在面對鏡頭已明顯較之前進步不少的她，坦言會「繼續堅持」。至於6月尾受訪時不知所云的Eris，看到一個月前的自己傻氣地為將來的自己打氣時，數度感觸拭淚：「好多謝一個月前嘅自己，依家可以同返一個月前嘅自己講，我做到喇。」
之前在越南外景受訪時坦言自己有社恐的Juliana，6月尾受訪時明顯相對驚青，全程忍笑之餘、表現亦相對尷尬。經過一個月的磨練，Juliana不但變得更大方得體，她更淡定表示連社恐亦似乎有所改善：「我變得冇咁驚人，喺越南嗰度我要同好多陌生人講嘢，我發現自己原來係做到，同埋真係享受嘅。」
與Juliana同為熱門的Lovelle，面對一個月前的自己，搞笑地做出「頭大」動作，並謂參賽後信心大增：「之前我好緊張，其實一路以嚟感受到好多支持，呢個係一個動力，我唔想讓支持我嘅人失望。」另一熱門Hilary，相比起一個月前亦明顯表現更淡定，談到輸贏，她笑言：「我唔係好在意輸贏，做得好過琴日已經可以喇。」Hilary在越南之旅時曾自揭是宅女，想不到原來Hera亦同樣愛居家，她受訪時笑言：「我可以匿埋喺間房十個鐘，參賽後我覺得我個人開朗咗。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|