影帝梁朝偉近期喺社交網上被瘋傳對婚姻不忠，小三對象更被直指喺內地人氣偶像程瀟，2人甚至仲有埋私生子等離譜緋聞，事件掀起網友熱議，不過隨住2人嘅工作室先後發出聲明澄清，事件亦逐漸平息。而近日，同黃曉明、許光漢、尹正等人遠赴匈牙利拍攝美食真人騷《中餐廳》嘅佢，更以「團寵美女」身份成為數位人氣男星嘅掌上明珠，而隨住程瀟喺社交網晒出多張靚靚花絮、旅行相，竟然都係出自黃曉明手筆。
着中西合璧風格短裙嘅程瀟，下身就蓬鬆嘅公主裙風格，領口位置則係中式旗袍設計嘅盤扣，充滿青春活力及古典韻味，同宏偉嘅歌劇院背景襯到爆燈！而身為萬綠叢中一點紅嘅程瀟，唔止引嚟黃曉明全程跟拍，就連台灣人氣男神許光漢都忍唔住拎出手機跟住拍！值得一提嘅係，多次主度攝影師幫程瀟影獨照嘅黃曉明，唔止不停引導程瀟擺出各款甫士，更猶如專業攝影師上身一樣，一時成個人匿埋牆角，一時又成個人踎坐喺地面，影到連程瀟都唔好意思：「可以了，可以了，朋友們！」後續，程瀟亦喺社交網晒出18張精選靚相，寫道：「拍了800張照片，真的感謝幾位大哥的掌鏡！！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|