港姐季軍王敏慈（Lovelle)今日（30/8）現身尖沙咀出席健康品牌活動。提到姊妹王怡然疑受父母騙錢事件困擾，以身體不適為由缺席今次活動。Lovelle受訪時表示：「我知佢病咗，身體唔係好舒服，咁所以我都希望佢快啲病好。（有冇安慰佢？）其實我唔太清楚佢發生咩事，因為呢幾日都好忙，咁所以無冇咩時間去睇手機。咁如果一陣間有時間，我都會睇吓新聞了解佢發生咗咩事先，咁所以對於佢哋嘅事，我就唔方便評論。」
