Day透露早前與COLLAR團員到日本拍MV及節目，當中最開心是與姊妹們齊齊出埠：「平時做嘢都會分開各有各忙，難得可以合體出外工作，雖然行程好緊密，但係就好似嗰陣參加《造星》嗰時，成班女仔圍埋傾吓偈嗰種好溫暖嘅感覺，真係好開心、好難忘！佢哋個個都好照顧我，有佢哋喺度，我特別放心。」
Day被問到平日是否多戴眼鏡時，她就指指日常工作的時候很少戴眼鏡：「因為戴眼鏡影相嗰陣，塊鏡片好容易會反光，效果就無咁好。不過喺屋企睇片㷛劇嗰陣，我就會戴返眼鏡，對眼無咁攰，舒服好多㗎。有時我喺社交平台開live都會照戴眼鏡，呢排忙於新歌及綜藝節目宣傳，難得可以好舒服咁戴眼鏡出活動，所以今日特別開心！」難得Day以「眼鏡LOOK」出席活動，又識做地擺出多個可愛甫士，吸引半百Fans與途人們圍觀拍照，讓現場的閃光燈閃過不停！
Day又透露在日本工作期間，曾經過眼鏡品牌的日本店，可惜因為工作關係未能進店，今次工作就初次體驗到他們的極速配鏡服務。大會特別邀請她於活動前挑選五款心水鏡框，作為慶祝品牌5周年紀念，並配合「最快20分鐘交件」承諾，即時為她施展「極速魔法」配製靚靚眼鏡，她說：「今日終於有得體驗呢個Magic，好多副眼鏡同黑超都好靚！多謝品牌贊助（係咪揀咗好多副？）我揀咗五副，因為真係好多款，好多都好靚又好型！」
Day不禁大讚：「嘩！真係好快，完全冇諗過配眼鏡可以咁快，活動未完就已經配好五副我鐘意嘅眼鏡，真係好驚喜！同埋，佢哋話鏡框鏡片都有各一年售後服務，仲適用於全球，例如日本、台灣、新加坡、澳洲 ，如果出trip整爛咗都可以拎去整，呢個對我嚟講好重要！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
