今日係8月10日，係國際偷懶日，呢一日啲人會咩都唔做，淨係食玩瞓，諗起都爽呀。今日亦都係農曆六月廿四，適宜交易、移徙、出行，最旺生肖係屬猴，屬猴嘅人會有強力貴人相助，就算遇到咩困難，都輕鬆應付。游水好叻嘅方力申就係屬猴㗎啦，嚟緊佢就會參加日本福岡舉行嘅世界游泳錦標賽，所以要多加練水，但同時又忙住拍攝劇集《逆天奇案2》，搞到成日唔夠瞓，認真辛苦。不過佢都坦言，依家嘅身體質素比以前差咗，所以今次比賽都只係志在參與。不過今日你有貴人相助，話唔定會有好事發生呢。
今日嘅幸運星係白羊座，各位白羊座嘅朋友，運氣好到不得了，會係職場上佔盡優勢。蘇韻姿就係白羊座，早年嘅佢憑《愛‧回家》熊心如一角成功入屋，雖然上年年底被飛出劇組，不過依然搏到盡。除咗之前亮相無綫遊戲節目《濠玩夏水禮》，被網友大讚玩Game玩得夠放，早排仲搣甩熊心如嘅乖乖女形象，喺社交網po咗游船河靚相，露腰兼晒白滑長腿，加上泳衣配熱褲造型，甚至褲鈕全開，引死一班宅男。今日運氣咁好嘅佢，人氣咁高再加上努力，可能有望回家呢？
本文作轉載及備份之用 來源 source: http://hk.on.cc
|
鍾意就快D Share啦！
|
|
|
