歌手周永恒今年4月涉襲擊執法人員及抗拒執法人員罪，今日（12日）二時許由太太陪伴下抵達屯門裁判處，神色輕鬆任影，太太則避記者鏡頭，他打趣：「佢有社恐㗎！」進庭前他主動受訪，表示擔心被判刑，表示自己來「找數」：「我打工搵3萬蚊1個月，已經曾被拘留10日，養唔到家，喺衡量個經濟效益之後，覺得即使判我兩個禮拜，我都冇咁萬五蚊啫，出番嚟就可以重新開始。窮人就係咁，亦冇錢再打官司，想快啲判完出番嚟養家，驚爭人錢多過驚坐監。」並一直否認自己當時有吐口水，他又指事件有得着：「起碼我同老婆嘅關係好咗，依家仲好恩愛。」
法官斥周永恒律師，未有爭取時間向周永恒解釋其報告，而內裏有很多陳述周永恒並不同意。法官質疑周永恒是否維持認罪，亦明確指出周永恒表明有心理準備被判監禁，要他與律師溝通好明確的指示及方向，目前案件押後到9月21日再判，繼續5萬元擔保，期間不得離開香港，及每日到警署報到、留住報稱地址。
周永恒獲悉案件押後之後，在法院逗留大半小時，步出時表示：「我以為認罪就得，但法官要我『有悔意地認罪』，加上其實好多法律原理我唔係好明，要消化吓先，想找數都唔得。（如果坐監，點同囝囝講？）今日我預咗返唔到去㗎，囝囝唔畀我兩公婆走，我就同佢講，爸爸要練嘢準備比賽，最心噏係件事完唔到，唔知點同佢解釋。」期間他忍不住哽咽流淚，再補充：「本來係家事一件，依家屋企冇事，但件事完唔到，好後悔面對屋企人。我淨係想好努力咁做好一次，過番正常人嘅生活，喺呢啲漩渦裏面好辛苦，希望21號真係告一段落。」
案件編號：TMCC866/2023
本文作轉載及備份之用 來源 source: http://hk.on.cc
|
鍾意就快D Share啦！
|
|
|