玲玲姐說自己年輕時多戴鑽石、少戴金、翡翠，但現時金器款式已很時尚，她也會戴。問到私藏珠寶中最貴的價值多少，她表示：「通常買原卡鑽石，但我唔係好追求款式，反而要比較簡單啲。（最貴嘅幾多錢？）幾十萬到一百萬啦，但係有時你預咗帶出街好易唔見，除非真係用嚟收藏，否則戴出街都好大風險，通常都戴啲跌咗起碼唔肉赤嘅出街。」
問到玲玲姐有冇買金，她雀躍地分享買金貼士，很慶幸自己初入行時師父就教她其實大部分人都儲不到錢，反而建議她買實物，於是她每年年底就會買金放入保險箱，舊時已儲落富格蘭金幣、加拿大楓葉金幣等，玲玲姐透露：「我一路都有買，定期有買細嘅金條，當然唔會買好重嗰啲，喺銀行買完擺喺保險箱，但而家啲金貴咗好多，用同一個價錢買都細咗好多。（金相對保值。）係，尤其是當時勢唔係好太平嘅時間，就真係算唔錯。（你買完一直擺喺度？）有時長輩生日，或者小朋友出世，就攞啲金送俾佢哋。」
玲玲姐前幾年大部分時間留在內地，現時多留香港，目前仍在拍《逆天奇案2》，有部分場口需要重拍。她又透露除了J2播出中的《玲玲友情報》外，稍後有節目會帶一堆女藝人出Trip，尋找異地桃花運。
本文作轉載及備份之用 來源 source: http://www.hk01.com
|
鍾意就快D Share啦！
|
|
|