首次拍劇的焯嵐戲中飾演欺凌者，他稱眾多欺凌場口中，他最難忘欺凌節演 「臭煇」的李嘉毅，戲中他在更衣室迫李嘉毅除褲，又向對方扔水彈，焯嵐憶述表示：「Roll機前大家仲一齊開心玩緊，但一Rol機就要演滅絕人性欺凌角色，拍嘅過程內心都有唔舒服，而拍之前有同對方好好溝通。」除了跟「臭輝」的演出外，焯嵐指跟女友東東的掌摑戲亦感難忘，他說：「初初拍打佢呢場戲，係有留力，但反而畀東東開，但叫我一定用真力打。拍嗰陣都有NG，但唔可以NG太多，只可以3、4Take，唔係佢塊臉紅會腫。」要出力打女友，焯嵐雖然感到「肉赤」，但見東東可以「交足戲」，他感安慰，他笑言：「同東東戲中演情侶，當然係好事，如果換第2個女演員拍呢場打戲，一定會留手，但對住女友就唔使。」
現實中不接受動粗
至於，被打的東東亦指這場掌摑戲好有衝擊力，她指現實中不會與男友大打出手，故此對今場戲感極有新鮮感，而拍攝前 ，她與男友細心排練及溝通 ，她說：「呢場戲，如果媽咪見到應該妤心痛。不過自己拍攝唔辛苦，唔知係咪我皮厚，所以唔覺痛，亦冇腫。反而咁大力打落去，男朋友先最有壓力。」東東續指，現實中絕對無法接受被另一半動粗，她表示：「如果另一半用暴力，就一定係唔care自己，所以要遠離。」
此外，曾參與 《全民造星4》的東東 ，因自感不適合女國生活，而在30強止步，向來對演戲感興趣的她，表示經歷今次拍劇後，對拍戲的興趣有增冇減，今後她希望可以演精神病人、殺人犯等角色，而談到最想跟哪位演員合作？東東坦言希望有機會跟梁朝偉合作 ，皆因對方是她心中無人可取代的偶像。
本文作轉載及備份之用 來源 source: http://www.hk01.com
|
鍾意就快D Share啦！
|
|
|