超強颱風「蘇拉」襲港，藝人張敬軒選擇於辦公室「避風頭」，但因辦公室出現漏水情況，害得他紓尊降貴處理漏水問題，他在社交網表示：「當我十號波仲喺OFFICE頻頻LUN LUN救緊漏水而向家中新遮遮救求，叫佢同朕CHECK吓屋企啲窗有冇漏。」誰知新「遮遮」好識做識回覆：「Hi sir,, pk sir, no problem. Thanks you」。
突然獲封「PK Sir」，他曲線表示：「好有禮貌嘅遮。」又反問自己：「我係咪有個新朵？」網民笑言：「新遮遮佢唔小心講左心底話」，又有人說：「十號波叫人check嘢，講一句pk都好應該」，也有人好奇張敬軒為甚麼將自己的說話打格，他笑言是對方的名字，怕新「遮遮」嬲。
軒仔接受東網訪問，大呼「好彩！」返了辦公室的他說：「尋晚原本諗住留喺屋企同父母食飯，點知佢哋因為打風提前食咗，淨番我自己，可能做慣嘢坐唔定，咪諗住不如返公司做吓嘢，始終啱啱搬咗新Office，有啲嘢都要自己落手做， 啱啱返到去嘅時候就已經掛9號風球，見到窗台滲晒水，好似冇整濕到張梳化同地氈，否則心痛死！」
張敬軒於辦公室經歷10號風球，當時情況都令他大感震撼：「感覺到成棟樓喺度搖，啲玻璃又郁，都幾得人驚，同埋走嘅時候，電梯都唔用得，要行樓梯落樓，惟一慶幸係我返同走嘅時候，都能夠截到的士，呢個城市真係好，大風大雨都依然有人為呢個城市服務，好感恩，希望今次大家有上次颱風山竹嘅經驗，今次會畀上次好，大家真係要萬事小心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|
