今日係9月18日農曆八月初四，最旺生肖就係狗，你哋事業旺搭上好運順風車，事業愛情兩得意。港姐冠軍馮盈盈就係屬狗，佢最近事業梗係得意，重新活躍幕前又拍劇又拍綜藝，同時重返校園繼續修讀碩士。早排素顏化身「眼鏡娘」分享校園生活，嗰個話佢青春又靚女，之後出活動又被讚瘦咗又有氣質，觀眾緣返晒嚟
至於愛情方面盈盈一向唔缺，緋聞多籮籮早排又有新對象，被人影到同前港男冠軍高鈞賢內地行街市，不過係唔知盈盈有冇暪住我哋「地下情」！
有冇人係處女座？你哋係今日幸運星，運氣好到不得了可以喺職場競爭入面佔優勢，原來張智霖(Chilam)係處女座，其實佢今年已經51歲，不過大家一直覺得佢樣冇變過封佢做「不老男神」！點知早排袁詠儀甫咗張Chilam一頭白髮嘅相，堅係嚇親唔少粉絲。
不過Chilam好快重拾狀態，染黑個頭幫新戲做宣傳，即時回春勁靚仔！睇嚟係髮色影響虛驚一場，「不老男神」有幾多人做到呀，佢梗係繼續喺職場佔盡優勢，新戲票房都肯定掂。
本文作轉載及備份之用 來源 source: http://hk.on.cc
|
鍾意就快D Share啦！
|
|
|