今日係9月17日農曆八月初三，是日最旺生肖係虎，你哋偏財旺會有意外進帳令你喜出望外。影帝梁朝偉就係屬虎，佢做戲叻就係人都知，早排仲勇奪威尼斯電影節「終身成就金獅獎」勁威水，但其實佢投資一樣咁掂！有指身價極高嘅朝偉擁超過10個物業房產超過9億，唔止投資住宅單位朝偉仲好鍾意投資店舖，眼光獨到曾經沽出中環一間地舖後勁賺五千萬！
雖然最近有指佢名下商廈租金有跌，不過既然講明朝偉有意外之財，肯定好快賺返完全冇問題，演藝事業同投資繼續掂！
今日幸運星係天秤座，你哋人逢喜事精神爽，應該畀自己做啲感興趣嘅事。內地85後花旦趙麗穎正正係天秤座，喺內地紅到爆嘅佢早排瀋陽出席活動場面極度墟冚，雖然同日仲有Angelababy同劉詩詩各自喺其他城市出活動，但趙麗穎明顯最多粉絲交通近乎癱瘓，「千億點擊女王」果然名不虛傳，佢人氣旺到咁當然精神爽利！
本文作轉載及備份之用 來源 source: http://hk.on.cc
|
鍾意就快D Share啦！
|
|
|