講到早前提及拍劇需要馬來西亞及香港兩邊跑，她說：「11月都會返馬來西亞拍戲，然後拍完幾日，就會返嚟香港繼續拍！」被問到胞弟因獲網民大讚高大靚仔，她笑說：「其實佢都冇興趣入呢行，但係如果有機會都可以同佢傾吓，叫佢可以一齊試吓玩！（那胞姐會有興趣入行？）姐姐以前都有拍過戲，以前都拍到好開心，如果有機會都希望可以一齊合作」提及有網民經常討論與胞姐好似樣，她說：「我當然好開心，我知道我哋係唔一樣嘅形象，我覺得姐姐嘅形象係另外一個風格，如果一齊合作拍廣告或者電影的話應該會有好多，應該有不一樣的火花。」
提到將於明年賀歲檔上映的電影《飯戲攻心2》宣布演員名單，舊班底基本上都換人，她表示：「呢個我就唔知其實都要等佢哋公布戲嘅資料。（想做返小貓的角色？）現在都唔可以講住先。」談及音樂發展方面，她預告下年有可能會推出一首新歌。」
問到現時是否定居在香港，她表示：「呢度工作比較多，所以一有工作嘅時候都會嚟香港。（會怕寂寞，希望拍拖？）我好享受一個人嘅生活，因為我知道未來好少咁樣嘅機會，好珍惜呢段時間可以同自己相處，自己嘅時間多啲，有自我提升嘅時間。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
