今日係10月27日，農曆九月十三，宜嫁娶、出行、移徙，最旺生肖係狗，屬狗嘅人事業旺，吉星照耀、能攻善守，謀事無往而不利。「國民初戀」姚焯菲就係屬狗，上個月先啱啱過咗17歲生日嘅Chantel好識做冧粉絲，事前放咗張睡衣相上社交網，雖然件睡衣唔係咩性感款，係較為保守嘅款式，但見佢單手叉腰兼露出招牌甜笑，大晒清純睡衣Look，而佢嘅衣着打扮都愈嚟愈成熟，Chantel就話仲有一年就成年，證明佢都想快啲大個女噃，今日你事業旺，粉絲都好期待你嘅新作品。
今日幸運星係山羊座，人逢喜事精神爽，單身者易迎嚟美好緣分。王祖藍就係山羊座，近年北上發展嘅佢，唔單止長撈長有，仲係愛妻號一名，之前佢老婆李亞男喺上海開慈善畫展，就帶埋兩個囡囡去場內影合照，雖然祖藍當日就冇現身，不過佢就用另一種方式出現，就係將自己個樣，貼喺佢哋合照裏面，仲圈出嚟話我都喺張相入面，咁樣「攝鏡」嘅表達方式，搞笑得嚟又幾有愛，難怪話你人逢喜事精神爽，成日都有好事發生。
本文作轉載及備份之用 來源 source: http://hk.on.cc
|
鍾意就快D Share啦！
|
|
|