內地女星劉詩詩2011年因演出《步步驚心》打開知名度後，一舉一動都備受矚目，即使育有1個小朋友嘅佢，身材及顏值依然都係一眾女星中嘅天花板代表，可惜人紅自然是非多，即使劉詩詩為人有幾低調，網絡上不時仍會傳出佢嘅負面消息，日前更流出一張佢零修圖嘅崩壞樣，惡意詆毀令唔少劉詩詩粉絲都睇唔過眼，並晒出多張劉詩詩近期出席活動嘅靚相澄清。
出演《步步驚心》並人氣急升嘅劉詩詩，雖然婚後作品產量減少咗好多，不過人氣亦絲毫未受影響，仍然穩坐內地一線女明星嘅地位，每次出席活動，都會掀起熱議。然而，日前喺內地網絡就流出一張劉詩詩拍廣告時，雙眼無神又憔悴嘅相，引起外界熱議外，甚至仲有啲Mean爆網友直言望落似50幾歲。惡意嘅詆毀，引嚟唔少劉詩詩嘅粉絲出手幫澄清，晒出一系列佢早前出席時裝周嘅零修圖靚相外，炯炯有神嘅迷人電眼，搭配型到裂嘅穿着打扮，巨星氣場更係不言而喻，搶盡眼球！隨着粉絲幫偶像澄清嘅靚相流出，唔少網友都留言狂讚：「有種不經意流露的美感！」、「真的美到爆炸了！」、「無人能敵呀！」
本文作轉載及備份之用 來源 source: http://hk.on.cc
|
鍾意就快D Share啦！
|
|
|