古天樂坦言票房非自己可以控制，謝票除為延長上映時間外，亦可了解觀眾看法，或許對下一部作品亦有幫助。「好電影係需求支持，同埋輾轉反側搞咗5年都無人投資，我睇完覺得係部好好嘅電影，而家證明呢件事係真。」問到觀後感，古天樂表示仍很多社會問題未解決，但希望大家不要忘記。「有啲可能係見唔到，但佢係發生緊，所以我希望通過電影去話畀大家聽要關心多啲唔同社會階層。」
電影中提到不少老人問題，問到演藝人協儲會否也關注圈中嘅老前輩是否得到足夠照顧等問題，古天樂說：「演藝協會過去幾年好重複做嘅，可能好多老人家有病，甚至有啲個案我見係有失智，老人院佢又唔想住，租地方又怕佢落街唔知去邊，好多呢啲個案都要處理，但真係太多人數，我哋好多前輩年紀大咗，佢有好多唔同嘅疾病，我都希望逐一去處理。」古天樂表示遇到不少身體情況不理想但缺乏人照顧的前輩，雖然他認為最理想是安排對方入老人院，但亦明白無得迫。
提到戲中寶佩如飾演嘅冷血看護，古天樂透露當初與監製討論了很長時間，希望找一個不會予人反派感覺嘅演員。「好似《活在當下》普通人咁，睇到最後原來佢係衰院長，亦證明我搵佢係無錯，演得好好。」
另外，講到近日尹光獲網民力撐，成功殺入叱咤我最喜愛男歌手，同樣曾獲網友推到上台嘅古天樂有何看法？他說「我覺得百花齊放好呀。（睇好佢？）百花齊放啦。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
