影帝周潤發（發哥）今日（19日）突破體能極限，首次挑戰跑21公里半馬拉松，最終以2小時27分56秒衝線，贏得喝采。完成賽事後，發哥換上長袖外套及踢拖現身，更展示爽朗笑容，神情輕鬆。
早於今年2月馬拉松賽事中，周潤發出戰10公里，以大會時間1小時3分57秒完成，而個人晶片時間為58分58秒。
發哥賽後接受傳媒訪問，先感謝所有大會工作人員，表示能順利完成賽事感到高興，他説：「唔辛苦，都係按照自己體力，大會話兩個半鐘，我跑咗2個鐘頭27分，成功達標。」能成為首批於港珠澳大橋比賽的馬拉松選手，他直言相當高興，指今日天氣舒服很適合跑步：「頭4公里唔曬，返嚟又有海風吹住，好開心。（滿意自己成績？）滿意，有個朋友幫我影咗張相，風景好靚。」他指沿途有很多跑手與他打招呼及加油鼓勵，風趣表示與大家打招呼講多謝比跑步更攰，又笑言連水也不敢喝太多，以免中途要排隊去廁所，問到會如何慰勞今日陪他跑畢全程的幾位助手？他説：「依家帶佢哋食嘢，你唔好問我咁多添呀，我依家都肚餓，哈哈！（發嫂為你準備乜嘢獎勵？）今晚返去就知。（出糧畀你？）喺成績之內就有糧出，過咗2個鐘頭30分鐘就冇糧出。」他表示1月會參加另一項半馬拉松賽事，因自己體力只能應付2個半小時，故不會挑戰42公里馬拉松，現時每天仍會練跑作準備。
談到很久未有電影新作，他笑言自己已轉行：「依家唔做演員做運動會。（胡諾言話因為你跑步令香港人做多咗運動。）得閒搵佢出嚟跑吓步先，其實唔論你幾多歲做運動係好嘅。（捉埋其他圈中朋友下次一齊挑戰？）佢哋肯先啦，佢哋多嘢做搵食，都要畀啲時間佢哋瞓覺，拍戲捱更抵夜，唔夠精神跟我跑會死㗎，我唔係同你講笑呀。（鄭裕玲唔使搵食可以跑？）佢有自己嘅影片頻道要搞嘛。（你會唔會開個頻道講吓嘢？）我唔會啦，搞呢啲好忙㗎，又要叫人撳鐘仔，都係跑步舒服啲。」談到影帝梁朝偉及奧斯卡影后楊紫瓊獲獎為港人爭光，問到他會否「出山」與他們合作拍戲？他説：「恭喜佢哋，有機會都希望嘅，如果唔係咪繼續跑步。（今晚無綫台慶會現場睇？）睇電視得啦。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|