台灣女星徐熙媛（大S）同富二代前夫汪小菲當年愛得高調，汪小菲為大S於台灣興建S Hotel，二人離婚後，一直盛傳酒店內撤掉所有關於大S嘅海報，及將酒店改名為「菲行商旅」，亦有指疑似大S索要「S Hotel」嘅酒店代言費等，講到似層層咁。伴隨住二人10年婚姻結束，呢幢「愛的結晶」真係要改名喇，拖咗成年，汪小菲最近直播時就坦承酒店要改名做「美憬閣」，並搵到新集團進駐同佢共同經營。
汪小菲曾砸3.5億新台幣（約8,400萬港元）開設「S Hotel」，佢表示有一個專請世界設計大師設計嘅酒店集團併購S Hotel，仲畀佢哋保留自己個名同設計：「我們酒店今天也決定加入到全世界最大酒店管理集團之一的大家庭，以『美憬閣』的名字，英文就是『M Gallery』。這個名字重新的再給大家提供更好的服務。」佢又同阿媽張蘭報告呢件事，阿媽二話不說狂讚：「真棒，小菲太帥了，牛牛的！」並向仔仔比大拇指，又提醒佢飲少啲酒。
本文作轉載及備份之用 來源 source: http://hk.on.cc
|
鍾意就快D Share啦！
|
|
|