台灣女星林志玲與日籍老公AKIRA婚前婚後同樣恩愛，AKIRA近年逐漸轉往台灣演藝圈發展，除擔任五月天演唱會嘉賓外，仲有參與拍攝節目。
喺節目中佢提到唔少同老婆相處嘅故事，結婚後佢常駐台灣，家人及朋友大多都講中文，令佢亦逐漸適應聽中文，開始聽得明少少。更大讚老婆林志玲日文好，2人從認識至今，大部分時間都係以日文對話，而生咗小朋友之後，就中英日三種語言一齊，仲笑言自己成日跟着老婆及兒子學中文，已經學識一啲簡單嘅詞語。雖然平日大部分時間都係老婆煮飯，但入得廚房，出得廳堂嘅佢，亦會因為老婆鍾意食拉麵，所以專門燉雞湯嚟煮麵畀老婆，相當寵妻！被問到娶台灣女神級林志玲做老婆，會唔會有好大壓力？佢大方笑言：「與其說有壓力，不如說我很尊敬她。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|