一條張天賦坐纜車的短片近日在內地社交平台翻炒。當日，張天賦坐纜車到昂坪市集出席《2023年度叱咤樂壇流行榜頒獎典禮》記者會，片段雖然只要短短19秒，但已充分表達出張天賦對纜車的恐懼，非常搞笑。
片中，張天賦緊緊捉實纜車內的扶手，不斷用說話來遮蓋自己內心的不安，他笑言：「要坐咁耐㗎？之前都冇咁驚喎，唔得真係好驚，好恐怖真係。」之後張天賦又深一口呼吸，繼續同身邊工作人員講話分散自己注意力，期間更驚到口窒窒：「你唔覺得佢一上一落，嗰吓嗰個恐懼咩？我仲有好多目標未完成。」
最搞笑是張天賦一邊講，一邊原來已經將纜車內的另一條扶手都已緊緊捉實，再強調：「真係好驚！」對比同車的洪嘉豪非常淡定地在玩電話，兩人表情相映成趣。粉絲也忍不住取笑張天賦說：「他不是說害怕坐飛機，這種都怕吧！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
