今日係12月30日，幸運星係白羊座，得到幸運之神關照，各方面運勢都好好。「視帝」陳豪就係白羊座，之前播完嘅台慶劇《羅密歐與祝英台》，當中有幕蔣祖曼要咀陳豪，祖曼就問係咪應該向陳茵媺備案，後來先知陳茵媺唔介意，不過就有問邊一集，因為要準備揞眼。原來除咗蔣祖曼，劇中仲有飾演社工謝姑娘嘅黃碧蓮，都會主動向陳豪獻吻。陳豪你拍劇艷福不淺，現實生活又咁美滿，仲唔係大贏家。
今日亦係農曆十一月十八，宜動土、開市、祈福，最旺生肖係鼠，屬鼠你哋桃花旺，未結婚嘅人有艷遇，脫單不是夢。楊丞琳就係屬鼠，16歲出道嘅佢唔經唔覺入行23年，由今年年中開始，佢就忙緊世界巡迴演唱會，不過佢為咗更瘦，竟然減到只有44.7kg，仲話每日只係食一餐好餓，雖然粉絲好緊張佢嘅健康狀況，但你今日桃花旺，不如同老公李榮浩，去拍吓拖兼食餐好，唔好再餓親自己啦。
本文作轉載及備份之用 來源 source: http://hk.on.cc
|
鍾意就快D Share啦！
|
|
|