今日係1月5日農曆十一月廿四，今日幸運星係天秤座，幸運指數排第一，生活愜意，身心狀態佳。「A0女神」郭柏妍就係天秤座，入行短短3年，就已先後拍攝共13套劇集，並憑《下流上車族》「車芊芊」一角，令佢人氣急升，喺台慶當晚，Rosita更獲得單獨表演機會，可見佢獲得無綫器重，而今年Rosita又有份參演《飛常日誌》、《奪命提示》等多套重頭劇，Rosita你今日身心狀態佳，努力拍好啲劇，大家都睇好你。
至於是日最旺生肖係雞，感覺到另一半嘅體貼，讓你甜在心頭。鄭嘉穎就係屬雞，自佢係2018年，同陳凱琳結婚之後四年抱三，一家五口生活幸福美滿。
近年嘉穎轉戰內地北上拍劇搵真銀，仔仔就交由太太負責，而Grace亦會打點好一切，等嘉穎無後顧之憂，不過嘉穎都好識做，有空閒時間嘅話，就會帶成家人一齊出去玩，有時仲會同太太喺網上放閃，大晒恩愛，兩公婆咁甜蜜，好難唔會甜在心頭。
本文作轉載及備份之用 來源 source: http://hk.on.cc
|
鍾意就快D Share啦！
|
|
|