「星夢一姐」菊梓喬（Hana）一直被傳離開無綫，雖然佢極力否認離巢，但氣勢已大不如前，喺香港嘅曝光率大減外，更畀人一種「發配邊疆」嘅落寞感。雖然去年早有傳Hana打算約滿離巢，並希望回復自由身，成立個人工作室以獨立歌手身份重新出發，不過就因為Hana一直未有正面回應，引嚟唔少粉絲揣測。
而尋日（10日），一直未有回應相關傳聞嘅Hana，終於喺社交網以黑底白字寫道：「感謝這2555天終於來到這一天，這段時間一直回憶着過去，很不捨，有喜有悲，百感交集。」更寫道：「還是需要時間來消化…」事實上，Hana於2017年加盟星夢娛樂，2555天啱啱好正係七年外，唔少網友更發現Hana社交網嘅自介中，未寫有所屬唱片公司，或同無綫有關嘅聯絡人，似乎Hana真係正式宣布離開星夢，結束七年合作關係。
2023年加盟星夢的吳業坤，對於菊梓喬疑似宣布離巢，他表示不會為未證實事作出回應，但如果她有選擇，都希望找到喜歡的路。吳業坤表示自從加入公司之後，未見過Hana，沒有機會傾偈和了解，他說：「反而我仲係新人時，喺電台成日見她，（因為你入公司嚇走她？）唔關我事，男女唔同，希望第日江湖再見可以有合作機會，未來等緊佢。」並講笑：「無論佢去邊，都歡迎佢過來睇我個演唱會。」
另外，與菊梓喬屢傳不和的吳若希，談及菊梓喬離巢一事，她說：「祝福佢，相信以佢嘅能力，去到邊度都可以繼續做一姐。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|