其中一位參賽者陳燕娜接受《香港01》訪問時表示：「其實去到呢個階段，已經唔係好似之前咁緊張，對得失睇得咁重要。而最近天氣都唔係咁好，加上自己本身都有氣管敏感，搞到唱歌嘅表現都大打折扣。不過我都有準備嘅，就係每次錄影前都會食定啲抗敏感藥，去控制病情。如果唔食嘅話就會比較唔舒服，唱歌表現都會失準。」
被問到參賽後人氣急升，有否為本身的工作帶來便利？身為營業副總監的陳燕娜則表示：「其實都有啲幫助，因為我啲供應商都係喺內地嘅，但原來內地好多人都會睇呢個節目，變咗啲供應商都知道，仲同我講估唔到你都有去參賽，變咗大家都會傾多咗話題，令到彼此嘅關係都拉近咗，到有需要傾價錢時，叫佢哋減價都易啲，佢哋都會好樂意，呢個位係有啲幫助嘅。（幫公司慳到錢，新一年有望有人工加！）哈哈，希望係」
本文作轉載及備份之用 來源 source: http://www.hk01.com
|
鍾意就快D Share啦！
|
|
|