無綫女神張曦雯(Kelly)早前去完台灣旅行，日前再跟一班好友出發到南非，佢先去到酒莊出席友人嘅婚禮。只見佢盛裝上陣，其白色吊帶長裙設計相當特別，胸前有朵盛開嘅鮮花，將美好身段盡現，充滿仙氣，再加上周圍嘅絕美風景，真係美景配美人！
Kelly接受東網獨家訪問時，回憶起2019年都曾跟羅天宇到當地拍攝節目《12個夏天》，「嗰次都拍得好開心，令我有個美好嘅回憶，而今次我去咗當地兩個星期，喺嗰邊享受慢活，每日都離唔開食，不停Book餐廳食嘢。因為當地有好多高質素餐廳，價錢仲要係香港嘅三分之一，Fine Dining都只係平均每個人500蚊左右。雖然我自己唔食牛肉，不過當地嘅海鮮同埋羊肉又平、又新鮮、又好食，所以都食得好盡情，我諗都有增磅唔少。」之後又表示去咗睇動物，佢指之前拍節目有去睇獅子，更有近距離接觸，但今次就舒舒服服咁坐車欣賞。由於南非日夜溫差大，日頭好熱，夜晚又好清涼，故她大爆帶了兩大篋行李。
本文作轉載及備份之用 來源 source: http://hk.on.cc
|
鍾意就快D Share啦！
|
|
|