《飯戲攻心》系列新班底黎彼得與蔣志光於首映現身，兩位影壇前輩分別飾演陳氏家族的三叔與七叔，成為二佬三佬婚禮上迎戰的難關！黎彼得與蔣志光於首映現場接受《香港01》訪問，蔣志光表示當初收到劇組邀請加盟時感到驚喜：「好突如其來，想拍第二集嘅時候，已經預想我會喺到，我好驚喜、好開心可以接受呢個演出！」
至於著名作詞人黎彼得，更是電影其中一首金曲配樂《MONICA》歌詞原作者、更是「大佬」黃子華的多年朋友，他表示：「我覺得佢哋用咗《MONICA》首歌，所以諗起我！我同子華係好朋友嘅，不過佢而家做咗神，我哋就聯絡唔到、溝通唔到！」黎彼得笑言：「做人嘅時候就有溝通，而家係神嘛！」至於子華未有演出續集，黎彼得坦言未能在銀幕合作亦感可惜。
蔣志光去年約滿TVB，正式結束30年賓主關係，蔣志光亦分享未來的發展方向：「開始會接拍電影，如果有咁嘅機會啦，主要係拍電影同唱歌！」以歌手身份出道的蔣志光曾為自己主唱歌曲作詞，至於與身邊的前輩黎彼得合作機會，蔣志光恭敬地表示：「Peter老師係我一個前輩！我覺得佢真係好勁，從冇到有係最難！我哋今日睇返當年嘅詞一韻到底，都唔知點寫！我係非常敬佩！」
黎彼得隨即笑指：「而家好多前輩都過咗身，而家係後輩嘅世界，我哋冚旗㗎喇！」更續指自己不少同輩已經身故：「顧家煇、黃霑、黎小田都走晒，我哋排緊隊喇！」蔣志光則表示：「我哋要更加珍惜你！」
《飯戲攻心2》以張國榮40年前的金曲《MONICA》為配樂，更由張繼聰與一眾演員重現MV經典舞步，問及黎彼得對效果的感想時，他笑言：「Cash上有錢收！最緊要呢樣！（電影配樂版權幾貴？）要返去計一計，因為太多，天文數字啊！」
去年黎彼得曾透露於內地讀中醫的兒子尚未畢業，自己亦在經濟上繼續支持，臨近歲晚，黎彼得表示父子未能團聚賀歲：「個仔六月先返，仲喺南京！（財政困難已解決？）而家摱摱緊、撲水過年囉！冇辦法啊！（要封大利是？）封畀佢？佢封畀我就差唔多！佢駛咗我三十幾年錢！我仲邊有呀？」蔣志光笑指：「有！有《MONICA》版權收嘛！」黎彼得最後亦笑指：「冇㗎喇！剩返啲錢入老人院喇！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|
