首先是訪問劉德華的部分，劉德華表示當晚台上有「陷阱」，原來是指台上有水和玻璃紙。他說：「啱啱想話擺低扎花，點知一行埋去就連埋人同花一齊擺低，爭啲鋤入去台底。」
之後張學友的訪問比較正經，張學友直言：「有少少慚愧喺93年做唔到好大力咁推動到本地創作歌曲，希望94年唔好辜負每一番垂青，我會盡我自己能力推動，自己一個做唔到嘅，希望做到一啲囉。」不過後面的「攝石人」軟硬天師的葛民輝卻成功搶鏡。
王菲一襲透視裝成為當晚焦點，古巨基訪問的內容亦相當「鬼馬」。王菲說：「好突出咩？唔，多謝你咁覺得。」古巨基問：「你自己諗㗎？」王菲回答：「係呀，唔係講意念，淨係攞件衫嚟着咁樣之嘛，冇意念。」古巨基問：「但係透視裝嚟喎。」王菲：「唉，係透視裝興咗好耐啦，唔係我意念。」古巨基再追問：「嚟緊會唔會有更多突破？係形象上面。」王菲答：「形象唔會特登突破，都係做返啱我自己嘅嘢。我咁樣着唔代表我想突破。」古巨基：「即係頭先好啱？」王菲答：「你覺得呢？哈哈。」.
隨後，古巨基訪問吳君如，原來當年得到了新人銀獎。吳君如說：「鬼馬呢？因為俾王菲搶咗囉，唔抵！俾王菲搶咗條冷短褲，你明唔明？以為自己跌膊有計，結果俾王菲着咗條冷底褲同冰上身，我就唔明點解唔拮肉嘅。」吳君如還笑言當晚是刻意跌膊的。
本文作轉載及備份之用 來源 source: http://www.hk01.com
|
鍾意就快D Share啦！
|
|
|