尋日（14日）係農曆初五，更加係情人節，多pair圈中人都急不及待要同大家share點樣慶祝，大方公開同另一半維繫感情嘅秘方。就好似天王郭富城咁，佢收藏多架名車、辣跑當然唔會齋擺喺度鋪塵，佢尋日就出動靚車帶索妻方媛去兜兜風，浪漫與激情都收到晒，仲要專登開蓬任路人睇佢晒恩愛，果然係寵妻。
至於影帝任達華，佢就同結婚27年嘅名模老婆琦琦一齊飛去英國探19歲愛女任晴佳（Ella），見佢一時就同琦琦頭貼頭周圍合照，一時又獲Ella挽住臂彎嘟嘴影相，一家三口過新年又過溫馨情人節，又係另一享受，難怪任達華一臉滿足留言：「我的大小情人情人節快樂。」兩大女神陪到實，呢啲齊人之福唔係個個歎到。
最近擔正主演新劇《本尊就位》嘅謝東閔，亦罕見同女友朱智賢公開合照，平時收收埋埋只係肯晒大合照嘅二人，今次終於都大方搭膊合照，即獲近2,700 Like佢哋晒愛放閃。
本文作轉載及備份之用 來源 source: http://hk.on.cc
|
鍾意就快D Share啦！
|
|
|