美斯近期傷患纏身。(Getty Images)
阿根廷「球王」美斯持續受到傷患困擾，阿根廷足總周二(19日)宣布，呢位國際邁亞密前鋒因大腿受傷已經退隊，無緣周六(23日)同下周三(27日)喺美國進行嘅2場熱身賽。
36歲嘅美斯因傷關係，已經避戰近2場美職賽事，不過中間亦曾經喺中冠盃上陣50分鐘兼有入波，阿根廷足總聲明表示：「國家隊隊長美斯右腳大腿有輕傷，唔會參加喺美國踢嘅2場熱身賽。」
據《ESPN》報道，美斯仍然可能會喺國家隊進行部份復康療程，目標係參加下月初進行嘅中冠盃8強。阿根廷日前已有前鋒保羅戴巴拿同中場艾斯基柏拉斯奧斯受傷退隊。
阿根廷今個月原定係去中國杭州同北京踢熱身賽，但因為喺香港發生「失場風波」，訪華計劃被取消，所以改為去美國集訓，周六先對薩爾瓦多，下周三就對哥斯達黎加，為夏天美洲國家盃做準備。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
