內地頂流女星劉詩詩，2015年同台灣藝人吳奇隆結婚至今，育有1子「步步」，雖然一家三口生活幸福美滿，但仍不時傳出2人婚姻不和嘅傳聞。婚姻生活向來備受關注嘅佢哋，早喺2011年合作穿越劇《步步驚心》時，就屢次被傳假戲真做，而日前就有網友搵出喺2人未公開交往時，曾有記者當劉詩詩面問吳奇隆：「那隆哥私下僧幫劉詩詩張羅男朋友嗎？」當下吳奇隆第一時間忍唔住笑出嚟外，一旁嘅劉詩詩先係眉頭一皺，翻埋白眼道：「他好似不是一個八卦的人吧！」高EQ幫吳奇隆解圍。
之後，吳奇隆亦接道自己的確唔係呢種人，表示自己更在乎大家工作氣氛，唔太理會演員嘅私生活，隨着陳年舊片曝光，引嚟唔少網友留言道： 「記者壓根沒把這兩想一塊去，看起來感覺差一輩兒了」、「吳奇隆：會呀，我把我自己張羅給她？」、「記者幾年後看到這個訪談，發現小丑竟是我自己」、「還是劉詩詩沉得住氣。」而喺2013年吳奇隆被影到深夜去劉詩詩香閨密會後，2人之後亦分別晒出合照宣布拍拖，消息一出更喺當年造成社交網癱瘓。
本文作轉載及備份之用 來源 source: http://hk.on.cc
|
鍾意就快D Share啦！
|
|
|
