「三料視后」佘詩曼（阿佘）憑劇集《新聞女王》再創事業巔峰，身價人氣再升一級，喺內地尤其受網友愛戴，日前有上海網民拍片發文，稱見到佘詩曼喺上海行名店，近排愛玩「絕對領域」嘅佢，以一身casual wear行街，少女味極濃，大晒白滑長腿。隨行更帶足4至5個助理，排場及氣場咩都有晒，猶如「皇后出巡」。網友偷拍阿佘喺店內自在行街，直頭好似返咗屋企一樣，被讚靚女又夠索，仲被讚親民，大方唔遮樣任網友認出佢，阿佘人氣之高，令親眼見到真人嘅網民都高呼：「我出息了！」當佢神咁拜！
44歲嘅陳貝兒憑主持旅遊節目《無窮之路》，喺中港兩地打開知名度，仲「食住個勢」努力經營社交網。近日陳貝兒喺社交網上，分享佢最愛嘅煲仔飯，不過今次反而被網民鬧爆！事緣佢拍片分享一間位於紅磡嘅打冷舖，影片中可見，陳貝兒點咗唔少菜餚，當中包括臘味煲仔飯，仲食到津津有味，並舉起手指公讚好，可惜對此網民就唔賣帳，仲留言狠批︰「第一次看到煲仔飯這麽沒賣相」、「煲仔飯不夠豉油」，甚至被自稱住喺附近嘅居民，質疑係收咗錢拍，相信一向受大眾歡迎嘅陳貝兒，都估唔到食晚餐會被人鬧。
本文作轉載及備份之用 來源 source: http://hk.on.cc
|
鍾意就快D Share啦！
|
|
|