十優港姐麥明詩與盛勁為日前連搞婚宴，請盡圈內圈外親友，原來現懷有8個月身孕的前港姐朱千雪都有到賀，她昨晚（29日）網晒當日照，見她與老公齊齊現身，身穿橙色大肚裙的她挺巨肚示人，不少網民留意到她鼻頭變大，加上肚尖尖，紛紛估計她今胎佗仔：「這肚子肯定是個Boy」、「佗仔個鼻會大咗」，但整體而言她依然面尖尖，靚樣變化不大。
朱千雪接受東網訪問，笑言未知體重增長多少：「我冇磅，所以唔知重咗幾多。」又透露預產前仍會繼續工作：「依家8個月，預產就5月，做多1個月先放產假，我都較到幾忟，啲工作都排到4月尾。」講到全城估BB性別，她就表示：「我未公布性別，遲啲先啦，唔急！」問到挺住巨肚會否不便，她就指：「又冇喎，仲做到運動、仲行到，我又覺得唔係好腫，啲行啲衫都仲着到，淨係個肚啫。其實我仲返緊工，每日都郁嚟郁去，精神上同物理上都唔係好大分別，只係個肚開始大。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|