藝人廖子妤（Fish）與楊偲泳（Renci）今年雙雙入圍爭金像獎最佳女配角，曾奪該獎的Fish揚言支持「自己友」Renci奪獎，而今年男友盧鎮業、好友余香凝亦有份爭獎，Fish卻沒有「緊張x3」，反而最緊張行紅地氈時要夠靚，不要仆低出醜人前！
《第42屆香港電影金像獎》將於本月14日於尖沙咀文化中心舉行，今年「最佳女配角」競爭激烈，電影《毒舌大狀》的廖子妤及楊偲泳大戰老戲骨金燕玲、梁雍婷及韋羅莎，Fish、Renci日前受訪，對於強勁對手，她們均「不輸陣」直言對自己有信心，Fish笑言：「一定要有信心，未必係自己贏，但人哋叻，唔代表我差，盡咗全力去做，當然希望有好成績。個個都睇好，當然我會支持Renci，認識佢知佢平時性格柔和，睇佢拍戲時嘅長對白同堅定嘅眼神，真係做得好好。」Renci亦笑言會支持自己：「因為我唔支持自己就冇人會支持我，但我睇好梁雍婷，覺得佢做得好好。」
Fish曾憑電影《梅艷芳》奪得金像獎最佳女配角，當然被不少人睇高一線，但她大爆父母態度淡然：「佢睇我做宣讀入圍名單嘅記者會，覺得我幾靚，就冇再睇。」Renci則指Fish宣布男友盧鎮業入圍最佳男主角時眼濕濕，她也被感動：「因為我哋認識，所以感動位好大，當然最感動係《毒》團隊得到唔少提名，好圓滿。」
事業搏殺 唔諗結婚
今年金像獎對Fish可謂別具意義，除了男友角逐影帝，好友余香凝亦有份角逐影后，問她緊張程度會否更多？她笑說：「唔會緊張埋佢哋個份，只會緊張自己狀態好唔好，因為見到多人嘅場合會好暈，最緊要靚、淡定、唔失禮，同埋唔好Kick親。（如果攞獎會唔會考慮拉埋天窗，雙喜臨門？）呢一、兩年係事業搏殺期，唔會用時間搞婚禮，賺咗錢先。同埋，唔係個個都好似余香凝咁全能，照顧小朋友、維繫老公、朋友嘅感情同埋拍戲，樣樣都兼顧到，真係時間管理大師。」
場地提供：apm
本文作轉載及備份之用 來源 source: http://hk.on.cc
|
鍾意就快D Share啦！
|
|
|