著名時裝設計師及資深形象顧問文麗賢（Judy）近年患大腸癌，昨日傳來離世消息，其好友鄧達智證實其死訊，透露原本邀請對方出席生日宴，兩周前收到對方信息指身體狀况有異精神轉差而未能出席，豈料如今生死相隔，大感愕然。他表示對方早於20年前患乳癌後康復，兩年前發現患大腸癌 :「知道嘅時候已經擴散，佢有做化療，副作用係甩頭髮，做咗療程後手腳會冇力，行路同生活上都受影響，佢行路要用拐杖，盡量用刀叉食飯，因為用唔到筷子，出街要由家姐或工人姐姐陪伴，佢唔想坐輪椅，因為覺得唔靚，唔想畀人見到，佢希望自己保持個靚狀態畀人睇，表現出佢係正常咁過生活。」他指四月初文麗賢看粵劇《白蛇》時有對身邊朋友透露自己身體有些不適及發炎，醫生指復原機會是5050：「佢幾日前做咗個手術，因為肝臟有瘤，個瘤差不多半個肝咁大，佢做完手術之後就冇醒過。」他稱對方這段時間撐得好辛苦，認為其一生都過得很豐盛：「佢十幾歲喺麗的做見習生，後來做模特兒，當年都紅極一時，後來結婚，又變身時裝設計師。」
前無綫高層孫郁標跟文麗賢相交數十年，兩人感情要好，她收到其家人致電稱文麗賢已在彌留階段，當時她剛好在教堂，故請神父跟她前往醫院，為對方進行傅油聖事儀式。另外，名模琦琦跟文麗賢相識多年，她謂兩三個月前才跟對方見面：「當時香港時裝設計師協會搞咗個晚宴，成班模特兒同佢一齊食飯，佢當時行動不便要人扶，但見到佢都係好開心。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|