第42屆香港電影金像獎「最佳男配角」由資深演員姜大衞憑《白日之下》大熱奪得，在觀眾心目中乃實至名歸，然而金像獎提名名單於2月6日公布時，大眾對吳慷仁憑《但願人長久》僅提名「最佳男配角」感到相當意外，均認為不論戲份或實力，吳慷仁均應該位列「最佳男主角」。
對於吳慷仁於金像獎提名「最佳男配角」一事，香港電影資深監製、導演兼編劇文雋曾於網台節目受訪期間，分享到背後重要原因：「因為《但願人長久》係用香港政府資金、電影發展基金去拍嘅。」文雋提到申請基金的其中一條重要條文：「其中一條係話，我哋嘅男女主角都一定要用香港人。」
香港電影發展基金近年致力支撐本地影壇，資助不少電影數百萬元的製作費用，文雋亦提到礙於規條，令吳慷仁無法提名位列男主角：「其實係保障返（香港演員），好可惜《但願人長久》冇第二個戲份重嘅男主角，如果朱栢康戲份多啲，就可以同吳慷仁一齊提名『最佳男主角』，但係得唯一一個，礙於規矩，因為政府畀錢拍。」
然而，文雋亦在訪問中高度讚揚吳慷仁於《但願人長久》的演出：「隨時有機會贏John哥（姜大衞），任何人睇過呢部戲（都有同感）。唯一《但願人長久》比較不利，係太少人睇過，好似金像獎之前一日先上畫，所以有啲吃虧。」
本文作轉載及備份之用 來源 source: http://www.hk01.com
|
鍾意就快D Share啦！
|
|
|