歌手炎明熹（Gigi）明日（9日）踏入19歲，她趁生日前夕推出全新作品《還有一艘救生艙》慶生，今次新歌採用了全新班底炮製，填詞細膩，更是她第一次看歌詞看到喊。她謂：「係一個全新嘅合作，好開心可以喺佢哋身上學習更加多嘅嘢，當我第一次聽到呢首歌嘅時候，第一個反應係『嗯！呢首歌，好聽！』同埋我好鍾意份歌詞，雖然只係一份DEMO詞，但我決定原汁原味保留，因為個內容好打動到我。」
今次Gigi首次大膽地向監製提出編曲上的想法，她說：「因為歌詞有提到外太空，所以我將幾個意見話佢聽，尤其我想喺首歌嘅前奏部分，畀人一種好遼闊同空曠嘅感覺，好感謝佢接受我嘅意見。」除了首次參與編曲，Gigi更加在MV裏奉獻了多個第一次。今次MV的故事講她與男友長期分隔異地，但對方卻背着她另結新歡，事件最終被Gigi發現，令她心如刀割。
導演要Gigi拿着手提電話，幻想跟男主角對話中，此時Gigi的淚水決堤式滑落、雙唇不自覺地抖震，呈現了被感情出賣的那份痛：「開拍MV前，導演已經同我講咗一次故事，雖然我冇經歷過，唔可以話感同身受，但至少拍MV時畀到我一種纏綿、開心、幸福嘅感覺，當然我哋嘅男主角Timothy好帶動到我入戲，我亦冇諗過會喊到出嚟，平時一係喊唔到，一係就谷住咗，feel到要喊，但又冇眼淚，所以拍攝當日係好幸運嘅一天。」
除了以上因素，原來當時手機顯示的時間，也觸動了Gigi的淚線神經：「其實手機都有好大嘅幫助，因為當我想打電話嘅時候，個時間咁啱係『520』（國語：我愛你），所以一望到就喊。」Gigi說。第一次拍MV淚崩，也是Gigi第一次拍MV與男主角如此親密。雖然《還有一艘救生艙》是一首悲慘情歌，但導演加入了大量二人甜蜜的拍拖畫面，包括在無人的街上拖手擁抱、在電話亭互餵蛋糕，還有到遊樂場玩滾軸溜冰，但最搞笑是原來Gigi與男主角Timothy從未玩過滾軸溜冰，兩人根本舉步難行，更遑論要在鏡頭前談情說愛，最後導演讓他們脫去溜冰鞋，穿上襪子在場內「扮溜冰」，兩人才鬆一口氣，在鏡頭前展現頭貼著頭的甜蜜畫面：「上次拍《Only For Me》MV跳華爾滋，我覺得已經同男主角好近，估唔到今次更近，算係一個新嘗試，同埋大家投入咗喺戲入面，所以唔會覺得尷尬，或者有唔舒服嘅地方。」
至於在拍攝時，不時見到Gigi忍不住笑，她解釋：「其實我笑點比較低，我忍唔住笑唔係因為尷尬，係自己搞到自己笑，例如我見到男主角出軌嘅訊息，對方留言話：Do You Want Me？再加埋個心心emoji，我一見到就笑咗，覺得好肉麻，同埋我平時影相，啲人叫我畀心心，我係唔會做，因為畀心心我覺得有啲尷尬，所以剛才一見到就笑咗出嚟。」
未拍過拖，但要在MV內代入一段「Long D」關係，Gigi於是問人甚麼是「Long D」，她笑着說：「原本我唔知係乜，但我問過人，原來係一段異地戀嘅關係，我唔知自己將來會唔會接受，但暫時我覺得係可以，因為未經歷過呢種情況，可能都係一個好處，因為日日見好快會厭，但隔一排再見就可以有新鮮感。」
本文作轉載及備份之用 來源 source: http://hk.on.cc
|
鍾意就快D Share啦！
|
|
|