今日係5月12日農曆四月初五，都係母親節，祝各位媽媽母親節快樂。肖虎嘅朋友會獲貴人相助，理財上可獲得不少靈感，肖虎嘅馬國明舊年終於同湯洛雯修成正果，之前表示為咗家人要更加努力換大屋，劇接劇之餘，仲不時四出登台，今日會有貴人相助，馬明記得向貴人多多請教理財策略，話唔定可以有可觀嘅收入。
5月6日係靚湯成為人妻之後第一個生日，馬明自然好好表現，帶住靚湯出去撐枱腳，又送埋花，訂埋蛋糕，關鍵係靚湯手上閃到爆嘅鑽戒，仲大讚馬明願意為自己改變，嘗試做好另一半，就已經係最好嘅禮物。
今日幸運星係水瓶座，財運好到極，要趁機多做好事，活得有意義。關楓馨就係水瓶座，佢作為關禮傑嘅女兒，一參選港姐就獲得好多關注，更被視為「最索星二代」之一，入行後更拍咗唔少劇集，而重頭劇《黑色月光》佢都有份參演，更北上到深圳開工，關楓馨之後接受訪問時表示，經過今次拍攝之後，要好好練習普通話，方便溝通咁話，其實都啱嘅，依家學定普通話，將來北上發展搵真銀，財運自然滾滾來
本文作轉載及備份之用 來源 source: http://hk.on.cc
|
鍾意就快D Share啦！
|
|
|