談到《九龍城寨之圍城》於康城首映的氣氛，張文傑亦回應到在放映後大喊的原因：「你唔會明白我哋尋晚喺現場嘅氣氛、啲人拍手，你唔會明！」表示現場氣氛極好，觀眾的歡呼與拍掌令他非常感動，胡子彤亦表示：「我有喊，但我嗰種係感動，導演喺現場講一番說話，係好觸動到我哋、好觸動到現場嘅觀眾。」外國的觀眾反應非常好，胡子彤提到播映期間一段掌聲，來自：「我哋大佬龍捲風彈起枝煙、落嚟夾返枝煙嗰下，係全場拍手掌！」四少均表示想像不到觀眾興奮的熱烈反應，感到非常激動！
導演鄭保瑞亦於直播中現身，繼今日較早時間宣布開拍《九龍城寨》前傳及後傳自成系列後，鄭保瑞笑言：「煩緊呀，煩緊下一集！」續指：「有一部係前傳、一部後傳。（張文傑：前傳會有我哋？）有！都仲係蟲嚟嘅！最主要睇阿峯點成蟲，陳洛軍就肯定有！」意味陳洛軍出身相關的戲份將成為戲肉，會有更多陳洛軍父親、關於陳占的背景，林峯則笑指：「我會努力游喇！」
《九龍城寨之圍城》於內地上映17日，票房亦累積超過5億元人民幣，四少在直播被問及若票房漲至六、七億時的票房福利，林峯隨即開玩笑表示：「我哋四個一齊錫龍捲風囉！」張文傑則錯愕地笑言：「四個嘴一齊錫？」林峯則笑指：「但係佢會唔會打我哋就唔知！」同時有網民敲碗，希望「城寨四少」能夠推出一首團歌，除了作為歌手的林峯，劉俊謙與張文傑均略顯壓力，於是林峯另舉提議：「等我演唱會一齊上台囉！」令三位兄弟均大感驚訝！
「城寨四少」最後談及紅地氈趣事時，劉俊謙突然開腔：「有件趣事啦，都戥佢開心嘅。」表示在康城紅地氈上，胡子彤登場時被認錯做國際影帝梁朝偉，張文傑笑指：「啲記者係咁叫Tony、Tony！」胡子彤則疑惑地表示：「其實我都唔知點解，係有少少受寵若驚！」續言：「我係咪玩緊遊戲節目，鬥影得多我嘅相！」
本文作轉載及備份之用 來源 source: http://www.hk01.com
|
鍾意就快D Share啦！
|
|
|